جیسے ایک سبزی منڈی میں آپ داخل ہوں تو ہر دکاندار کی اپنی خاص جگہ یا مقام ہوتا ہے جہاں انہوں نے اپنی چیزیں فروخت کیلئے سجا کر رکھی ہوتی ہیں اور مارکیٹ سے باقاعدگی سے خریداری کرنے والوں کو معلوم ہوتا ہے کہ کون سی چیز سب سے بہترین معیار کی کس جگہ سے ملے گی ایسے ہی ٹریڈنگ کی دنیا میں، “آرڈر بلاک” ہوتا ہے جو ان دکانداروں کی خاص جگہ یا مقام کی طرح ہوتا ہے ۔ یہ دراصل پرائس چارٹ پر ایک خاص مقام کو کہتے ہیں جہاں بہت زیادہ مقدار میں خرید اری یا فروخت کی سرگرمی ہو چکی ہوتی ہے۔ جیسے منڈی میں خریدار کو ان مخصوص مقامات کا معلوم ہونا ان کو سستی اور بہترین چیز خریدنے میں مددگار ثابت ہوسکتا ہے ویسے یہ آرڈر بلاکس کو سمجھنا ٹریڈرز کو یہ سمجھنے میں مدد دیتا ہے کہ پرائس کی مومنٹ اب کس جانب (اوپر یا نیچے )کو ہوسکتی ہے تاکہ وہ خریدنے یا بیچنے کا فیصلہ کرسکے۔ آرڈر بلاک کیا ہے؟ سادہ الفاظ میں یوں سمجھ لیں کہ آرڈر بلاک کسی ٹریڈنگ چارٹ پر اس زون کو کہتے ہیں جہاں بڑے ادارے، جیسے کہ بینک یا ہیج فنڈزنے بڑی خرید یا فروخت کے آرڈرز پلیس کئے ہوتے ہیں۔ یہ بلاکس مضبوط سپورٹس یا ریزسٹنس والے مقامات کی نشاندہی کرتے ہیں۔ اسے مارکیٹ میں بڑے کھلاڑیوں کے پیچھے چھوڑے گئے نقوش کے طور پر سمجھ لیں ۔ جب یہ ادارے بڑی مقدار میں خرید اری یا فروخت کرتے ہیں، تو وہ پرائس چارٹ پر ایک نشان چھوڑ جاتے ہیں، جسے ٹریڈرز اپنے فائدے کے لیے استعمال کر سکتے ہیں۔ آرڈربلاکس کو چارٹس پرایسے پوائنٹس کی صورت میں دیکھا جاسکتا ہے جہاں سے قیمت متعددبار باؤنس بیک ہوئی ہو۔ یہ ویسے ہی کوئی بے ترتیب واقعات نہیں ہوتے بلکہ یہ اس میدان کے بڑے کھلاڑیوں کی طرف سےاس پوائنٹ پر مخصوص پرائس لیول پر کی گئی خریداری یا فروخت کےعمل کو ظاہر کرتے ہیں ۔ یہ سرگرمی اکثر مارکیٹ میں ایک قسم کی “یادداشت” بن جاتی ہے اور ٹریڈرز چارٹس میں پیچھے جا کر ان لیولز دیکھ کر مستقبل میں قیمت کے اتار چڑھاؤ کا اندازہ لگا سکتے ہیں ۔ سبز (Buying Order Block)یہاں خریداری کے آرڈر بلاکس ہیں جبکہ سرخ (Selling Order Block)فروخت کے آردڑ بلاکس ہیں ۔ اس چارٹ میں آپ دو قسم کے باکس دیکھ سکتے ہیں سبز اور سفید۔ سبز باکس وہ رینج بتارہے ہیں جہاں سے عموما قیمت باؤنس بیک کرتی ہے اور سپورٹ لیول کی طرح ہی کام کرتا ہے البتہ یہ اس سے زیادہ رینج کو کوور کرتا ہے ۔ اس سے معلوم ہوتا ہے کہ ماضی میں جب قیمت گر کر یہاں تک پہنچی ہے تو جو سیلنگ پریشر تھا اس کا سامنا بائینگ آرڈرز سے ہوا تھا اور اس کی وجہ سے قیمت یہاں سے واپس اوپر گئی تھی ۔ اس کا مطلب یہ ہوگا کہ آئندہ کیلئے بھی یہ امکان ہے کہ قیمت جب گر کر اس رینج تک پہنچے گی تو باؤنس بیک کرے گی۔ اس کی وجہ یہ ہوگی کہ جو ٹریڈرزچارٹس میں ان لیولز کا جائزہ لے چکے ہونگے انہوں نے یہاں خریداری کے آرڈز لگائے ہونگے۔ یہی اصول سرخ باکس پر بھی لاگو ہوگا جو فروخت کے پوائنٹس کی نشاندہی کرتا ہے کہ جب ماضی میں قیمت اس لیول تک پہنچی تھی تو متعدد فروخت کے آرڈز نے اس کو یہاں سے مڑ کر نیچے جانے پر مجبور کر دیا تھا اور زیادہ امکان اسی بات کا ہے کہ آئندہ بھی ایسا ہی ہوگا۔ یہ بات قابل غور ہے کہ ہر سپورٹ ، ریزسٹنس ، ٹرینڈ اور آرڈر بلاک بالاخبر کبھی نہ کبھی ٹوٹ ہی جایا کرتے ہیں کیونکہ اگر ایسا نہ ہو تو پھرمارکیٹ ہمیشہ سائیڈ ویز ہی چلا کرے گی اور موو منٹ کم ہوتے ہوتے بالاخر ختم ہوجاتی ۔ مثال کے طور پر، اگر کسی نے بٹ کوائن $60,000 پر خریدا اور $71,000 پر بیچا، تو وہ اگلی بار $61,000 پر خریدنے کی کوشش کر یں گے تاکہ اگر قیمت دوبارہ $60,000 پر نہ آئی تو ان سے موقع مس نہ ہوجائے، پھر وہ $70,000 پر بیچنے کا ارادہ کر یں گےتاکہ قیمت واپس مڑنے سے پہلے فروخت کردیں ۔ یہ چیز قیمت کے اتار چڑھاؤ کو کم کرتا جائے گی اور بالآخر قیمت کی موومنٹ رک جائےگی۔ اس لئے ہر بلاک بالآخر ٹوٹ جاتا ہے، جو ایک نئے ٹرینڈ کی شروعات کی علامت ہوتی ہے ۔ آرڈر بلاکس کیوں اہم ہیں؟ آرڈر بلاکس اس لئے اہمیت رکھتے ہیں کہ کیونکہ یہ ہمیں اس بات کا ممکنہ اشارہ دیتے ہیں کہ یہاں سے قیمت سے پلٹنا ہے یا نہیں ۔ مثال کے طور پر، اگر کوئی بڑا ادارہ کسی مخصوص پرائس لیول پر بڑی مقدار میں اسٹاک خریدتا ہے، تو وہ لیول ایک مضبوط سپورٹ بن جاتا ہے۔ اگر قیمت دوبارہ اس لیول تک پہنچتی ہے، تو دوسرے ٹریڈر اس بات کی امید کرتے ہیں کہ پرائس ا گر گری تو اس پوائنٹ سے واپس باؤنس بیک ہوسکتی ہے لہذا اس پوائنٹ پر خریداری کا موقع پیدا ہوتا ہے۔ اسی طرح، اگر کوئی بڑا ادارہ کسی مخصوص پرائس لیول پر بڑی مقدار میں فروخت کرتا ہے، تو وہ لیول ایک ریزسٹنس بن جاتا ہے۔ اگر قیمت دوبارہ اس لیول تک پہنچتی ہے، تو ٹریڈرز یہ توقع رکھتے ہیں کہ اب یہاں سے پرائس دوبارہ نیچے جائے گی یوں اس پوائنٹ پر فروخت کا موقع پیدا ہوتا ہے۔ آرڈر بلاکس ٹریڈرز کے لیے ایک قسم کا روڈ میپ فراہم کرتے ہیں کہ بڑے آرڈرز کہاں لگائے گئے تھے، اس سے یہ معلوم کرنے میں مدد ملتی ہے کہ آئندہ پرائس کی سپورٹ اور ریزسٹنس کس پوائنٹ پر ہونگی ۔اس کو جاننے سے نہ صرف ٹریڈنگ کے دوران بہتر اسٹریٹجک فیصلے کرنے کا فائدہ ہوتا ہے بلکہ بہتر طریقے سے رسک منیجمنٹ ہوسکتی ہے۔ چارٹ پر آرڈر بلاکس کو کیسے پہچانا جائے؟ سٹرانگ پرائس موومنٹ کے پوائنٹس معلوم کریں : چارٹ پر ان پوائنٹس کی تلاش کریں جہاں قیمت میں تیزی سے اوپر یا نیچے کی جانب موومنٹ ہوئی ہو۔ یہ سٹرانگ موومنٹ عموماً مختلف اداروں کی جانب سے لگائے گئے بڑے آرڈرز کی موجودگی کی نشاندہی کرتی ہے۔

ڈیجیٹل کرنسیزکی مارکیٹ کی ساری رونق اورہلچل اسکرین پرنمبرزکی تبدیلی کی مرہون منت ہے۔یہ نمبرزمختلف کرپٹو کرنسیزجیسے بٹ کوائن،ایتھیریم وغیرہ کی قیمت ظاہر کرتے ہیں۔ ڈیجیٹل کرنسیزکا یہ متحرک ماحول کرپٹومارکیٹ کہلاتی ہے۔ یہ مارکیٹ مختلف ٹرینڈزکی وجہ سے مستقل تبدیلیوں کے زیراثررہتی ہے۔ کرپٹومارکیٹ کےٹرینڈز کیا ہیں؟ جیسے سمندرکی لہریں ہمہ وقت اوپر نیچے ہوتی رہتی ہیں ایسے کرپٹو کرنسیز (یا کسی اور فائنانشل مارکیٹ جیسے اسٹاکس، اجناس، فاریکس وغیرہ) کی قیمتیں بڑھتی اورگرتی رہتی ہیں، جس سے ٹرینڈز وجود میں آتے ہیں۔ یہ ٹرینڈز دراصل اس سمت کی نشاندہی کرتے ہیں جس میں مارکیٹ ایک مدت کے دوران موومنٹ دکھاتی ہے۔ اگرآپ دیکھتے ہیں کہ قیمتیں مسلسل بڑھ رہی ہیں، تویہ ایک اپ ٹرینڈ ہے۔ اس کے برعکس، اگر قیمتیں مسلسل گرتی جارہی ہیں، تو یہ ڈاؤن ٹرینڈ ہے۔ ان ٹرینڈز کو سمجھنا انویسٹرز کو یہ فیصلہ کرنے میں مدد دیتا ہے کہ کب کرپٹو کرنسیز خریدنی یا بیچنی ہیں۔ ٹرینڈز کو کیسے ناپا جاتا ہے؟ کرپٹومارکیٹ کی بظاہر بے ترتیب نظر آنے والی موومنٹ کوسمجھنے کے لئے، ٹریڈرزمختلف ٹولز اورٹکنیکس کا استعمال کرتے ہیں۔ اس آرٹیکل میں ہم ان میں سے چندٹولز پر نظرڈالیں گے۔ SMA، EMA، HMA اور VWM اور ان میں سے ہر ایک کی وضاحت الگ سے کریں گے۔ سمپل موونگ ایوریج (SMA): فرض کریں کہ آپ اپنے شہر میں پچھلے ہفتے کی اوسط درجہ حرارت جاننا چاہتے ہیں۔آپ سات دنوں کا درجہ حرارت جمع کر کےاس کو سات سے تقسیم کریں گے۔ یہی کام سمپل موونگ ایوریج (SMA) کا ٹول کرپٹوکرنسی قیمتوں کے ساتھ کرتا ہے۔ یہ ایک مخصوص تعداد دنوں کی اوسط قیمت لیتا ہے۔ مثال کے طور پر، 10 دن کی SMA پچھلے10 دن کی قیمتوں کو جمع کر کے 10 سے تقسیم کرتی ہے۔ یہ روزانہ کی اتار چڑھاؤ کو کم کرتی ہےاور اوورآل ٹرینڈ بتاتی ہے۔ ایکسپوننشل موونگ ایوریج (EMA): ای ایم اے SMA کی طرح ہے لیکن حالیہ قیمتوں کو زیادہ اہمیت دیتا ہے۔ یہ ایسے ہے جیسے آپ پچھلے تین دن کے درجہ حرارت کو اس سے پہلے کے چار دن سے زیادہ اہمیت دیں۔ یہ EMA کو مارکیٹ کی سب سے حالیہ تبدیلیوں کے لیے زیادہ حساس بناتا ہے، جس سے ٹریڈرز کو ٹرینڈ جلدی پکڑنے میں مدد ملتی ہے۔ ہل موونگ ایوریج (HMA): HMA پچھلے دوسے ایک قدم آگے ہے، یہ موونگ ایوریجز میں تاخیرکو کم کرنے کی کوشش کرتا ہے۔ یہ تھوڑا زیادہ پیچیدہ ہے، لیکن آپ اسے SMA اور EMA کے زیادہ تیزاورحساس ورژن کے طور پر مان سکتے ہیں۔ یہ قیمتوں کی تبدیلیوں پرجلدی ردعمل ظاہر کرتا ہے،جس سے ٹریڈرز کو ٹرینڈ جلدی پکڑنے میں مدد ملتی ہے۔ ہمارے تجربے میں، یہ دیگر تین کے مقابلے میں تبدیلیوں کو لے کرسب سے زیادہ حساس ہے۔ والیوم ویٹڈ موونگ ایوریج (VWMA): VWMA ایک اور لئیر شامل کرتا ہے، جو ٹریڈنگ والیوم کو بھی مدنظر رکھتا ہے۔ اس کو یوں سمجھیں کہ آپ آئس کریم کے فلیور کی مقبولیت کو جانچنے کیلئے نہ صرف بیچی جانے والی اسکوپس کی تعداد پر غور کرتے ہیں بلکہ یہ بھی دیکھتے ہیں کہ کون سے فلیور زیادہ مقدار میں فروخت ہوئے۔ VWMAٹول اوسط قیمت تو لیتا ہے لیکن بڑے ٹریڈنگ والیوم کے دوران والی قیمتوں کو زیادہ اہمیت دیتا ہے، جس سے یہ سمجھنے میں زیادہ مدد ملتی ہے کہ زیادہ سرگرمی کہاں پر رہی ہے۔ نوٹ: کرپٹو مارکیٹ میں موونگ ایوریج ایک لیگنگ انڈیکیٹر ہے، جس کا مطلب ہے کہ یہ ٹرینڈ کو ظاہر کرنے میں تھوڑی دیر لگاتا ہے عام طور پر ایک یا دو دن کے بعد ۔اس کی وجہ یہ ہےکہ یہ اسٹاکس اور فاریکس سے آیا ہے جو کرپٹو کے مقابلے میں بہت سست مارکیٹس ہیں۔اس لئے اس پر زیادہ انحصار کرنے سے نقصان ہو سکتا ہے۔ ٹرینڈز کیسے شروع ہوتے ہیں؟ کرپٹو مارکیٹ میں ٹرینڈزمختلف عوامل کی وجہ سے شروع ہو سکتے ہیں۔ یہاں چند عام عوامل ہیں: خبریں اور واقعات: کرپٹو کرنسیز کے بارے میں خبریں ان کی قیمتوں پر نمایاں اثر ڈال سکتی ہیں۔اگر کوئی مثبت خبر، جیسے کسی بڑی کمپنی کا بٹ کوائن کو قبول کرنا،ملتی ہے تو یہ اپ ٹرینڈ شروع کرسکتی ہیں۔ منفی خبریں، جیسے کسی ملک کا کرپٹو تجارت پرپابندی لگانا، ڈاؤن ٹرینڈکو جنم دے سکتی ہیں۔ مارکیٹ سینٹیمنٹ: تاجروں کے درمیان عمومی احساس یا موڈ ٹرینڈز پر اثر انداز ہو سکتا ہے۔ اگر تاجر مارکیٹ کے بارے میں پر امید (bullish) ہوں، تو وہ زیادہ خریداری کریں گے، جس سے قیمتیں بڑھ جائیں گی۔ اگر وہ مایوس (bearish) ہوں،تو وہ ایسٹس کو فروخت کرتے جائیں گے جس سے قیمتیں گر جائیں گی۔ ٹیکنالوجیکل ڈویلپمنٹ: بلاک چین ٹیکنالوجی میں انوویشن اور امپرومنٹ جو کہ کرپٹو کرنسیز کی بنیاد ہے، بھی ٹرینڈز پر اثر ڈال سکتی ہیں۔ مثال کے طور پر، بٹ کوائن نیٹ ورک کی ایک بڑی اپ گریڈ اسے زیادہ موثراورمحفوظ بنا سکتی ہے، جس سے اس کی قیمت میں اضافہ ہو سکتا ہے۔ ریگولیٹری چینجز: دنیا بھرکی حکومتیں کرپٹوکرنسیزکوکیسے منظم کرنا ہےاس کا تعین کررہی ہیں۔ نئے ضوابط کا بڑا اثر ہو سکتا ہے۔ واضح اورموافق ضوابط کرپٹو کرنسیز پرلوگوں کا اعتماد کو بڑھا سکتے ہیں جس کے نتیجے میں قیمتیں بڑھ سکتی ہیں جبکہ سخت اورکرپٹو مخالف قوانین کا نفاذ اس کے برعکس اثر ڈال سکتے ہیں جس سے قیمتیں گر سکتی ہیں ۔ نتیجہ: SMA، EMA، HMA اور VWMA جیسے ٹولز ٹریڈرز کو کسی کوائن کے بارے میں واضح تصور قائم کرنے اوربہتر فیصلے کرنے میں مدد دیتے ہیں۔ ٹرینڈز خبروں، مارکیٹ کے ایموشنز، ٹیکنالوجیکل ڈویلپمنٹ اور ریگولیٹری چینجز کی وجہ سے شروع ہو سکتے ہیں۔ کرپٹو کرنسی کی دنیا میں قدم رکھنے والوں کے لیے، ان ٹرینڈز پرنظررکھنا ضروری ہے۔ لہذا، اگلی بار جب آپ بٹ کوائن کے اتار چڑھاؤ کے بارے میں سنیں، تو آپ کے پاس اس بات کی بہتر سمجھ ہوگی کہ ان تبدیلیوں کے پیچھے کیا عوامل ہیں اورٹریڈرز کرپٹو مارکیٹ کی مسلسل بدلتی ہوئی صورتحال میں کیسے راستہ بنا رہے ہیں۔

ٹریڈنگ کی دنیا میں، ریلیٹو اسٹرینتھ انڈیکس (RSI)کا انڈیکیٹرکسی سرفنگ گائیڈ کی طرح ہوتا ہے جیسے کوئی سرفر سمندروں کی لہروں کی تاک میں رہتا ہے کہ کون ایسا بہترین موقع ہوسکتا ہےجس میں لہروں پر سواری کا مزہ لے سکے ویسے ہی ریلیٹو اسٹرینتھ انڈیکس (RSI)آپ کیلئے مارکیٹ کی لہروں کی موومنٹ کے دوران انٹری کیلئے بہترین مواقع تلاش کر کے دیتا ہے۔ RSI: آپ کا مارکیٹ سرفنگ گائیڈ RSI، یا ریلیٹو اسٹرینتھ انڈیکس، ٹریڈرز کے درمیان ایک مقبول ٹول ہے ۔ یہ قیمت میں تبدیلی کے مومینٹم کو ماپنے کے لیے استعمال ہوتا ہے۔ اسے مارکیٹ کے درجہ حرارت کو جانچنے والا تھرمامیٹر کہہ سکتے ہیں ۔ آپ کو بتاتا ہے کہ کسی مخصوص تعداد کی کینڈلز کے لحاظ سے اس وقت پرائس کتنی مضبوط ہے۔ یہ انڈیکیٹر 0 اور 100 کے درمیان حرکت کرتا ہے اور اس بات کی معلومات فراہم کرتا ہے کہ آیا کوئی ایسٹ کس حد تک خریدا یا فروخت کیا گیا ہے ۔ یہ ہمیں پرائس کی ممکنہ ریورسلز دکھاتا ہے اور ٹرینڈز کی نشاندہی کرتا ہے۔ یہاں ہم ریلیٹو اسٹرینتھ انڈیکس (RSI) کے تین اہم استعمالات کو تفصیل سے دیکھتے ہیں: اوور سولڈ اور اوور باٹ کنڈیشنز آر ایس آئی کو ایک پینڈولم کی طرح سمجھیں ۔ جب یہ یہ بہت اوپر جاتا ہے، یعنی 70 سے اوپر (کرپٹو مارکیٹ کی غیر یقینی صورتحال کے پیش نظر ہم 80 سے اوپر جانے کو ترجیح دیتے ہیں )، تو یہ اس بات کا اشارہ دیتا ہے کہ ممکنہ طورپر یہ ایسٹ اوور باٹ ہوچکا ہے (بہت زیادہ لوگ خرید چکے ہیں ) ۔ اس کا مطلب یہ ہے کہ اس وقت اس کی پرائس مناسب حد سے بہت زیادہ آگے جاچکی ہے اور یہ ایک اشارہ ہوسکتا ہے کہ جلد ہی قیمت یہاں سے واپس مڑکر نیچے آئے گی۔ اس کے برعکس، جب یہ پینڈولم بہت نیچے جاتا ہے، یعنی 30 سے نیچے (یا کرپٹو میں 20 سے نیچے)، تو یہ اشارہ دیتا ہے کہ یہ ایسٹ ممکنہ طور پر اوور سولڈ ہوچکا ہے (بہت زیادہ لوگ فروخت کرچکے ہیں ) اور اس کی قیمت مارکیٹ کے مناسب قیمت سے بہت زیادہ کم ہوچکی ہے ۔ یہ ایک ممکنہ اشارہ ہوسکتا ہے کہ اب قیمت واپس مڑ کر اوپر کو جاسکتی ہے۔ ڈائیورجنس Divergence سرفنگ کے دوران ہوا کی سمت میں تبدیلی کی طرح ہوتا ہے۔ جب کسی ایسٹ کی قیمت ایک سمت جارہی ہو اورRSI دوسری سمت میں جا رہا ہو، تو یہ ممکنہ ریورسل کا اشارہ ہوتا ہے۔ مثال کے طور پر، اگر قیمتیں بڑھ رہی ہوں لیکن RSI گر رہا ہو، تو یہ اس بات کا اشارہ ہو سکتا ہے کہ اوپر کی طرف جانے والا ٹرینڈ اپنی طاقت کھو رہا ہے اورجلد ہی نیچے کی طرف آسکتا ہے۔ ٹرینڈ کو پہچاننا آر ایس آئی (RSI) ٹرینڈز معلوم کرنے میں بھی مدد کرتا ہے۔ ایک اپ ٹرینڈ کے دوران آرایس آئی مسلسل 50-70 (یا کرپٹو کے لیے 50-80) کی رینج میں چلتا رہے یا ڈاؤن ٹرینڈ کے دوران آرایس آئی مسلسل 30-50 (یا کرپٹو میں 20-50) کی رینج میں چلتا رہے تو یہ اس ٹرینڈ کی مضبوطی کا اشارہ ہوسکتا ہے جس کا مطلب یہ ہوگا کہ یہ ٹرینڈجاری رہے گا۔ اس بات کو دوبارہ سے سمجھیں کہ آر ایس آئی مسلسل ہائی رہے گا اگر مجموعی ٹرینڈ اپ ہوگا اورمسلسل لو رہے گا اگر مجموعی ٹریند ڈاؤن ہوگا۔ لہذا کسی ڈاؤن ہوگا جب مجموعی ٹرینڈ ڈاؤن ہو اور اس میں کبھی آر ایس آئی ہائی ہو جائے تو یہ اپ ٹرینڈ نہیں ہوگا۔ کرپٹو مارکیٹ میں  آر ایس آئی لینس کو ایڈجسٹ کرنا کرپٹوکرنسی کی دنیا میں، قیمتیں کا اتار چڑھاؤ کسی طوفان میں لہروں کے اتارچڑھاؤ جتنا تیز ہوتا ہے۔ اسی وجہ سے یہاں ٹریڈرز اپنے آرایس آئی کی سیٹنگز کو بہتر طریقے سے ایڈجسٹ کرتے ہیں تاکہ یہاں کے غیر متوقع حالات میں بھی زیادہ سے زیادہ درست نشاندہی ہوسکے۔ روایتی مارکیٹس کی 70-30 حدوں کے بجائے، بہت سے لوگ یہاں اوور باٹ کیلئے 80 اور اوورسولڈ کیلئے 20 کو استعمال کرتے ہیں۔ اس ایڈجسٹمنٹ سے ایک طرف مارکیٹ کی ولٹائلٹی کو فلٹر کرنے اور زیادہ اہم مارکیٹ سگنلز پر توجہ مرکوز کرنے میں مدد ملتی ہے۔ اس با ت کا دھیان رکھنا چاہیےکہ یہ لازمی نہیں ہے کہ ہمیشہ اوور باٹ یا اوور سولڈ ہوتے ہی فوراً سے واپس پلٹ جائیں ۔مارکیٹ توقع سے زیادہ دیر تک بھی اوور باٹ یا اوور سولڈ والے لیول پر مسلسل رہ سکتی ہے اور آپ کو مناسب موقع کی تلاش کرنا صبر اور اتنظار سے کام لینا پڑسکتا ہے۔ اس لئے بہتر نتائج کیلئے آر ایس آئی کو MFI یا Bollinger Bands کے ساتھ استعمال کرنا چاہیے ۔ ڈیلی ٹائم فریم: آپ کی ترجیحی ونڈو ٹریڈرز اپنے انالسز کیلئے مختلف ٹائم فریمز استعمال کرتے ہیں ۔ آرایس آئی کے ساتھ انالسز کیلئے ڈیلی ٹائم فریم سب سے زیادہ مقبول ہے۔ ڈیلی ٹائم فریم پر مارکیٹ پر ایک متوازن نظر ڈالی جاسکتی ہے کیونکہ یہ شارٹ ٹرم میں قیمت کے اتار چڑھاؤ کو نظر اندار کر کے نہ صرف کافی ڈیٹا اکٹھا کرتی ہے بلکہ مارکیٹ کے وسیع تر ٹرینڈ کی عکاسی بھی کرتی ہے۔ اس کی مثال یوں سمجھیں کہ کوئی سرفر سمند ر کی ایک ایک لہر پر نظر رکھنےکے بجائے مد و جزر کے سائیکلز کو دیکھے۔ یہی وجہ ہےکہ ڈیلی ٹائم فریم آپ کو اوور آل مارکیٹ کے ٹرینڈ کی ایک واضح تصویر پیش کرتا ہے۔ RSI ہیٹ میپس: ایک نظر میں تجزیہ جو لوگ بیک وقت ایک سے زیادہ ایسٹس پر نظر رکھنا چاہتے ہیں، ان کے لیے RSI ہیٹ میپس ایک انمول ٹول ہیں۔ یہ ہیٹ میپس مختلف کرپٹوکرنسیز کے RSI لیولز کو ایک وژولز دیتے ہیں ۔یہ ایسے ہی ہوتے ہیں جیسے موسم کا نقشہ مختلف ساحلوں پر موجوں کی کنڈیشنز کو ظاہر کرتا ہے۔ ان ہیٹ میپس پر ایک نظر ڈال کر ہی ایک ٹریڈر یہ معلوم کرسکتا ہے کہ اس وقت کون کون سے کوائنز اوور باٹ یا اوور سولڈ زون میں داخل ہورہے ہیں اور یوں وہ تیزی سے درست فیصلے لے سکتا ہے ۔ RSI کے ساتھ مارکیٹ کی لہروں پر سواری خلاصہ یہ کہ، ریلیٹو اسٹرینتھ انڈیکس

ہم جب بھی کرپٹوکرنسیز کے چارٹس پر نظر ڈالتے ہیں توان کی قیمتیں بہت تیزی کے ساتھ اوپر نیچے ہوتی رہتی ہیں ۔ایسا لگتا ہےجیسے کوئی رولرکوسٹر بے قابو ہوگیا ہو۔ ایسا کیوں ہوتا ہے ؟ اس کو سمجھنے کے لیے، ہمیں ایک ایسی چیز پر نظر ڈالنی ہوگی جو بظاہر کرپٹو مارکیٹ سے بہت غیر متعلقہ لگتی ہے۔ وہ ہے امریکی شرح سود۔ جی ہاں، امریکی فیڈرل ریزرو کی جانب سے شرح سود میں اضافے یا کمی کیلئےجو نمبرز مقرر کیے جاتے ہیں، وہ کرپٹو مارکیٹ کے رسکی دنیا میں بہت گہرا اثر ڈال سکتے ہیں۔ آئیں دیکھتے ہیں کہ یہ سب کیسے کام کرتا ہے۔ منظر نامہ: شرح سود اوررسک اگرشرح سود کو سادہ لفظوں میں بیان کیاجائے تویہ پیسے قرض لینے کی قیمت ہوتی ہے۔ جب فیڈرل ریزرو، جسے عام طور پر FED کہا جاتا ہے، ان شرحوں کو بڑھاتا یا کم کرتا ہے، تو اس کا اثر پورے فائنانشل سسٹم پر پڑتا ہے۔ یہ ایسا ہی ہوتا ہےجیسے ایک پرسکون جھیل میں کوئی پتھر پھینکا جائے ۔ اس پتھر کے گرنے سے جو لہریں پیدا ہوتی ہیں، وہ جھیل میں چاروں طرف پھیلتی ہیں۔ یہی کچھ شرح سود میں تبدیلی معیشت کے ساتھ کرتی ہیں۔ شرح سود اور انویسٹمنٹ کا تعلق جب شرح سود کم ہوتی ہے، تو بینکوں وغیرہ سے قرضہ لینا سستا ہوجاتا ہے۔ اس سے کاروباروں کو بڑھانے کے لیے قرضے لینے اورلوگوں کو بڑی خریداریوں جیسے کہ گھروں یا گاڑیوں کے لیے کے لیے قرض لینے کی حوصلہ افزائی ہوتی ہے۔اس کا ایک رخ یہ بھی ہوتا ہےکہ جب شرح سود کم ہوگی تو بینکوں کے سیونگ اکاؤنٹس اوراس جیسی دوسری کم رسک والی انویسٹمنٹس منافع کی شرح بھی کم ہوجاتی ہے اور یہ چیز انویسٹرزکوزیادہ منافع کی تلاش میں زیادہ رسکی انویسٹمنٹ والی مارکیٹس جیسے اسٹاکس اور کرپٹوکا رخ کرنے کی طرف لے کر جاتی ہے۔ اس کے برعکس، جب شرح سود بڑھائی جاتی ہے تو قرضہ لینا مہنگا ہو جاتا ہے۔ اس سے قرضہ لینے کی رفتار کم ہو سکتی ہے اور لوگوں کو بینکوں کے سیونگ اکاؤنٹس اوراس جیسی دوسری کم منافع دینے والی مگر محفوظ انویسٹمنٹس کی جگہیں پھر سے پرکشش لگنے لگتی ہیں۔جس کی وجہ سے لوگ اپنے پیسے رسکی مارکیٹس سے نکال کرمحفوظ جگہوں پر منتقل کر سکتے ہیں۔ کرپٹو کرنسیز زیادہ رسک اورزیادہ ریوارڈ والا میدان کرپٹو کرنسیز سب سے زیادہ رسکی انویسٹمنٹ والی مارکیٹس میں سے آتی ہے۔ یہ کسی بھی فزیکل ایسٹس، سرکاری ، یا روایتی فائنانشل سسٹمز سے وابستہ نہیں ہیں اوریہ چیز انہیں انتہائی غیرمستحکم بناتی ہے۔ اس کا مطلب یہ ہے کہ ان کی قدر بہت کم وقت میں تیزی سے بڑھ سکتی ہے یا گر سکتی ہے۔ اس کے پیچھے بنیادی وجہ مارکیٹ ٹرینڈ، خبریں اور خاص طور پر شرح سود ہوتی ہیں۔ جب شرح سود کم ہوتی ہے، جیسے کہ پچھلے کچھ سالوں میں ہوتی رہی ہے، تو لوگ منافع میں اضافے کی خاطر رسک لینے کے لیے تیار ہوتے ہیں۔اب ہوتا ہے یہ ہےکہ کرپٹو مارکیٹ میں دوسری محفوظ انویسٹمنٹس کے مقابلےمیں ممکنہ طور پر کم وقت میں زیادہ منافع کی توقع ہوتی ہے اور یہ ایسی چیز ہے جو انویسٹرز کو کھینچ لاتی ہےکہ وہ زیادہ پیسہ کرپٹو کرنسیز میں منتقل کریں جس کی وجہ سے ان کی قیمتیں بڑھ جاتی ہیں۔ شرح سود میں اضافے کے اثرات جیسے ہی FED معیشت کو مستحکم کرنے اورافراط زر کو کنٹرول کرنے کے لیے شرح بڑھاتا ہے تو انویسٹمنٹ کا ماحول بدل جاتا ہے۔ چونکہ بینکس زیادہ شرح منافع کے ساتھ سود دینے لگتے ہیں تو لوگوں کو یہاں اپنا پیسہ رکھنا کرپٹو اوردوسری رسکی مارکیٹس کے مقابلےمیں زیادہ محفوظ لگتا ہےجس کی وجہ سے انویسٹرز اپنی کرپٹو کرنسیز فروخت کرنا شروع کر سکتے ہیں اور یوں ان کی قیمتیں گر جاتی ہیں۔ اب جب قیمتیں گرنے لگتی ہیں تو مارکیٹ میں ایک خوف و ہراس کی فضا پیدا ہوجاتی ہے جس کی وجہ سے مزید لوگ اپنی کرپٹو کرنسیز بیچنے پر مجبور ہو جاتے ہیں اور قیمتیں تیزی سے مزید کم ہو تی جاتی ہیں۔ یہ مسلسل چلنے والا اثر ہے جو کرپٹو مارکیٹ میں بڑے پیمانے پر قیمتوں میں کمی کا سبب بن سکتا ہے۔ عملی مثالیں حالیہ سالوں میں یہ سب ہماری نظروں کے سامنے ہوا ہے ۔ مثال کے طور پر، جب بھی فیڈرل ریزرو نے شرح سود میں اضافے کا عندیہ دیا یا واقعی شرح سود میں اضافہ کیا، تو کرپٹو مارکیٹ میں تیزی سے گراوٹ دیکھنے میں آئی۔ انویسٹرز نے اپنا پیسہ رسکی مارکیٹس سے نکال کر زیادہ محفوظ اور مستحکم ایسٹس میں منتقل کیا کیونکہ رسکی انویسٹمنٹس کی کشش نسبتاً کم ہوگئی تھی۔ دوسری طرف، جب COVID 19 وبا کے دوران معیشت کو متحرک کرنے کے لیے فیڈ نے شرح سود کو تقریباً صفر کے پاس تک لے آئی تھی تو اس وقت ہم نے دیکھا کہ کرپٹو کرنسی میں انویسٹمنٹ میں نمایاں اضافہ ہوگیا تھا۔اس کی وجہ وہی تھی کہ کم شرح سود کی وجہ سے لوگوں کو بانڈز اور سیونگ اکاؤنٹس جیسے محفوظ جگہوں پر ملنے والا منافع بہت کم ہوگیا تھا اور لوگوں کو اس کے مقابلےمیں بہتر جگہ کی تلاش تھی جس میں شرح منافع پر کشش ہو اگرچہ اس میں رسک کا بھی عمل دخل ہو۔ نتیجہ رسک اورریوارڈ کا کھیل مختصر یہ کہ امریکی شرح سود اورکرپٹو مارکیٹ کے درمیان تعلق رسک اورریوراڈ کی آنکھ مچولی جاری رہتی ہے۔ جب شرح سود کم ہوتی ہے، تو انویسٹرز زیادہ رسک، زیادہ ریوارڈ والی انویسٹمنٹ کو ترجیح دیتے ہیں اور کرپٹو کرنسیز مرکز نگاہ بن جاتی ہیں۔ جب شرح سود بڑھتی ہے، تو کھیل کا رخ بدل جاتا ہے اور اور انویسٹرز محفوظ اور مستحکم منافع کی طرف متوجہ ہو سکتے ہیں۔ اب ہم سمجھ سکتے ہیں کہ کرپٹو مارکیٹ کی یہ بظاہر بے ترتیب نظر آنے والی موومنٹ کے پیچھے کون سی قوت کار فرما ہوتی ہے ۔ یہ ہمیں بتاتی ہے کہ فائنانشل دنیا میں سب کچھ ایک دوسرے سے جڑا ہوا ہے ۔ اگلی دفعہ جب آپ شرح سود میں تبدیلی کی خبر کو سنیں گے تو یہ یاد رکھیں کہ یہ تبدیلی صرف روایتی مارکیٹس اورانویسٹمنٹ پر اثرانداز نہیں ہوتی بلکہ اس

ٹیکنیکل انالسز کا تعارف ٹیکنیکل انالسزکسی بھی کرپٹوکرنسی ٹریڈر کے لئے بہت اہم ٹول ہے۔فنڈامینٹل انالسزمیں پرائس پر اثر انداز ہونے والے فائنانشل اوراکنامکل فیکٹرز کو دیکھا جاتا ہے لیکن ٹیکنیکل انالسزمیں پرائس موومنٹ اورٹریڈنگ والیوم پر توجہ رکھی جاتی ہے اورمارکیٹ کے سابقہ ڈیٹا کا انالسز کرکے مستقبل کے ٹرینڈز کے کی پیشن گوئی کی جاتی ہے ۔ یہ طریقہ کارولٹائل مارکیٹس جیسے کرپٹو کرنسیزمیں بہت عام ہے۔ ٹیکنیکل انالسز کیا ہے؟ ٹیکنیکل انالسزمیں پرائس چارٹ پرماضی کی قیمتوں کو سٹڈی کیا جاتا ہے اورمختلف انڈیکٹرزاورپیٹرنز کا استعمال کرتے ہوئے ممکنہ پرائس موومنٹ کی پیش گوئی کی جاتی ہے۔اس انالسز کا استعمال کر کے ٹریڈر یہ فیصلہ کرتے ہیں کہ کب کسی ایسٹ کو بیچا یا خریدا جائے۔ اس انالسز کےپیچھے بنیادی نظریہ یہ ہے کہ پرائس کی یہ موومنٹ ایسے ہی بے ترتیب نہیں ہوتی بلکہ یہ مارکیٹ کی نفسیات اورسپلائی اورڈیمانڈ کے مطابق کچھ خاص پیٹرنزکو فالو کرتی ہے جن کی پیشن گوئی کی جاسکتی ہے۔ ٹیکنیکل انالسز کی اہم خصوصیات مارکیٹ ایکشن سب بتاتا ہے : ٹیکنیکل انالسز کا یہ بنیادی اصول ہے کہ موجودہ مارکیٹ پرائسس تمام معلوم معلومات کی عکاسی کرتی ہیں۔ لہذا اس انالسزمیں صرف پرائس مووومنٹ توجہ دی جاتی ہے اور کسی بھی خارجی فیکٹر جیسے خبروں یا اکنامک انڈیکیٹرز کو شامل نہیں کیا جاتا۔ قیمت ٹرینڈ کو فالو کرتی ہیں : ٹیکنیکل انالسز اس مفروضے کے تحت کام کرتا ہے کہ قیمتیں وقت کے ساتھ کچھ قابل معلوم ٹرینڈز کو فالو کرتی ہیں اور یہ ٹرینڈز تب تک چلتے رہتے ہیں جب تک ان کو روکنے کیلئے کوئی واقعہ نہ ہو جائے۔ تاریخ خود کو دہراتی ہے : مارکیٹ سائیکالوجی جو کہ انویسٹرز کے رویئے پر اثر ڈالتی ہے عموما یہ خود کو دہراتی ہے اور یہی وجہ ہوتی ہےکہ کچھ پیٹرنز اور ٹرینڈز دوبارہ سے وجود میں آتےہیں اور ٹیکنیکل انالسٹ انہی کو پہچان کر ان سے فائدہ اٹھا سکتے ہیں۔ ٹیکنیکل انالسز کی حقیقی دنیا کی مثالیں مثال 1: موونگ ایوریجز : فرض کرتے ہیں کہ سارہ ایک کرپٹو ٹریڈر ہے اور وہ انالسز کرتے ہوئے پرائس ڈیٹا کو ہموار کرنے کے لیے موونگ ایوریجز کا استعمال کرتی ہے تاکہ مارکیٹ کے مجموعی ٹرینڈ کو سمجھ سکے۔اس کیلئے وہ ایسا کرتی ہےکہ اپنے بٹ کوائن چارٹ پر 50 دن (تصویر میں سبز) اور 200 دن (تصویر میں نارنجی) کی موونگ ایوریج کو پلاٹ کرتی ہے ۔ایسا کرتے ہوئے اسے ایک “گولڈن کراس” نظر آتا ہےجہاں پچاس دن کی موونگ ایوریج دو سو دن کی موونگ ایوریج کو اوپر کی طر ف کراس کر رہی ہوتی ہے۔ یہ ایک بلش انڈیکیٹر ہے اور یہ بتا رہا ہےکہ یہاں خریداری کا اچھا موقع بن رہا ہے۔ مثال 2: RSI اورMACD : فرض کرتے ہیں کہ احمد RSI (ریلیٹو اسٹرینتھ انڈیکس) اورMACD (موونگ ایوریج کنورجنس ڈائیورجنس) کا استعمال کرتا ہے تاکہ مارکیٹ میں انٹری اور ایگزٹ پوائنٹس کی نشاندہی کر سکے۔ RSI یہاں اس کو یہ سمجھنے میں مدد کرے گا کہ آیا بٹ کوائن اوور باٹ ہوچکا ہے (اگر آر ایس آئی 70 سے اوپر ہو) یا اوور سولڈ ہوچکا ہے (30 سے نیچے)، جبکہ MACDدوسری طرف اس کو پرائس موومنٹ کی رفتار میں تبدیلیوں کو بتائے گا۔ جب RSI 30 کے قریب پہنچتا ہے اور MACD لائن اپنے سگنل لائن سے اوپر جاتی ہےیہ ایک انڈیکٹر ہوگا احمد کیلئے کہ پرائس کا مومنٹم اب اوپر کی طرف شفٹ ہونے لگا ہے اور خریداری کیلئے ایک اچھا موقع ہوسکتا ہے۔ ٹیکنیکل انالسز کے فوائد ٹائمنگ ٹریڈ : یہ ٹریڈرز کیلئے سب سے بہترین وقت کی نشاندہی میں مدد کرتا ہے جہاں وہ مارکیٹ میں انٹری یا ایگزٹ کر کے وہ زیادہ سے زیادہ منافع سمیٹ سکتے ہیں اوراپنے نقصان کو کم سے کم کرسکتے ہیں۔ معروضی فیصلہ سازی : چارٹ پیٹرنز اور سٹیٹسٹیکل انڈیکیٹرزپر انحصار کرتے ہوئےیہاں ٹریڈرزکو ملنے والے اشاروں اورڈیٹا کی بنیاد پر ٹریڈ لینے کا فیصلہ کرنے میں مدد ملتی ہے اور انہیں جذبات میں آکراندھا دھند فیصلے کرنے سے نجات مل سکتی ہے۔ موافقت پذیری : ٹیکنیکس مختلف ٹائم فریمزاورہر قسم کی کرپٹوکرنسیز پراپلائی کی جا سکتی ہیں۔ یہی وجہ ہےکہ یہ ڈے ٹریڈنگ اورسوئینگ ٹریڈ دونوں میں ورسٹائل ٹولز بن جاتی ہیں ۔ ٹیکنیکل انالسز کی حدود خود کار تکمیل پانے والی پیشن گوئیاں : جب وسیع پیمانے پر لوگ ان اسٹریٹجیزاورماڈلز کو استعمال کرنے لگتے ہیں تو پرائس اسی طرف مومنٹ شروع کرسکتی ہے جہاں کی پیشن گوئی یہ انڈیکیٹرز کررہے ہوں اور قیمتیں مارکیٹ فنڈامینٹلزکو چھوڑ کران کو ہی فالو کرنے لگتی ہیں ،یوں یہ پیشن گوئیاں خودکار طریقے سے پوری ہونے لگتی ہے۔ مارکیٹ مینوپولیشن : چھوٹی یا کم لیکویڈیٹی والی مارکیٹس میں بڑے ٹریڈرز پرائس کو مینوپولیٹ کر سکتے ہیں، جس سے ٹیکنیکل انالسز سےغلط انڈیکیٹرز دے سکتی ہے۔ بیرونی اثرات : ٹیکنیکل انالسز میں تمام معلومات قیمتوں سے ہی حاصل کی جاتی ہے اوراسی بنیاد پرمستقبل کی پیشن گوئی کی جاتی ہے اور بیرونی عوامل اس میں شامل نہیں ہوتے لہذا اچانک آنے والی کوئی خبراورغیرمتوقع واقعات مارکیٹ کے ٹرینڈزاورپیٹرنز کو متاثر کرسکتے ہیں، جس سے ممکنہ نقصانات ہو سکتے ہیں۔ نتیجہ: کرپٹوکرنسی ٹریڈنگ میں ٹیکنیکل انالسز کا کردار ٹیکنیکل انالسزکسی بھی کرپٹوکرنسی ٹریڈر کیلئے بہت اہم ٹیکنیک ہے۔ یہ پرائس کے ٹرینڈزاورپیٹرنز پر توجہ مرکوز کرتے ہوئے تجارت کے لیے ایک منظم طریقہ پیش کرتی ہے جس کی مدد سے ٹریڈرزبہتر فیصلے لینےمیں مدد ملتی ہے۔ تاہم، ایک طاقتور ٹول ہونے کے باوجوداس کی اثرانگیزی اس وقت یہ اس وقت سب سے زیادہ مؤثر ہوتا ہے جب اسے دیگر طریقوں، جیسے کہ فنڈا مینٹل انالسز اورمارکیٹ کی خبروں اورواقعات کے بارے میں آگاہی کے ساتھ استعمال کیا جائے، تاکہ مارکیٹ کا جامع نقطہ نظرحاصل کیا جا سکے۔ کامیاب ٹریڈرزٹیکنیکل انالسز کو ان دوسری چیزوں کے ساتھ توازن میں استعمال کرتا ہے اوریہی چیز تیزی سے روپ بدلتی کرپٹومارکیٹ میں اس کو کامیابی میں مدددیتی ہے۔