کرپٹو مارکیٹ میں آپ نے آل ٹائم ہائی (ATH) اور آل ٹائم لو (ATL) جیسی اصطلاحات سنی ہی ہونگی۔ یہ کیا ہوتی ہیں اور کیسے ایک مارکیٹ بتدریج اپنے آل ٹائم ہائی (ATH) اور آل ٹائم لو (ATL)کی طر ف جاتی ہے۔ اس کو سمجھنے کیلئے پارکوں میں لگے کسی رولر کوسٹر کو دیکھئے!رولر کوسٹردھیرے دھیرے کبھی اونچائیوں کی طرف چڑھتا ہے تو کبھی ڈھلوانوں سے اترتا ہے ۔ ہر دو مقام پر چڑھتے اور اترتے ہوئے سنسنی کا احساس ہوتا ہے ۔ فائنانشل مارکیٹس ایسی ہی کسی رولرکوسٹرکی مانند چلتی ہیں اورمسلسل اپنی بلندیوں کی طرف چڑھتی اوراترائیوں میں گرتی جاتی ہیں ۔ مارکیٹ کا یہ سائیکل سمجھنا خود کو کسی بدترین نقصا ن سے بچانے اورملنے والے مواقع سے فائدہ اٹھانے میں نہایت مفید ثابت ہوسکتا ہے اور آپ کیلئے انویسٹمنٹ کے بروقت اورصحیح فیصلے لینےمیں مددگار ہوسکتا ہے۔ فائنانشل مارکیٹ سائیکلز کی بنیادی باتیں تمام فائنانشل مارکیٹس جیسے اسٹاکس، بانڈز اور کرپٹو کرنسیز ، سائیکلز میں کام کرتی ہیں۔ ان سائیکلز میں ایک کو بُل مارکیٹ کہا جاتا ہےجہاں مارکیٹ اوپر سے اوپر جارہی ہوتی ہے اور دوسرا بئیر مارکیٹ ہے جہاں مارکیٹ اپنے زوال کی طرف گامزن ہوتی ہےا ور نیچے سے نیچے جارہی ہوتی ہے ۔ فائنانشل مارکیٹس کے یہ سائیکلز بیرونی عوامل جیسے اقتصادی حالات، عالمی واقعات، جنگیں اور شرح سود میں تبدیلیوں کی وجہ سے متاثر بھی ہوسکتے ہیں اور ان کی حرکت پر فرق پڑسکتا ہے۔ مثال کے طور پر، 2022 اور 2023 کے درمیان کی مدت کو میں امریکہ میں شرح سود 5.5% تک بڑھ چکی تھی اور اس اضافے نے تمام فائنانشل مارکیٹس پر کافی منفی اثر ڈالا تھا۔ اس کی وجہ واضح تھی کہ جب شرح سود زیادہ ہوگی تو لوگ اپنا پیسہ بینکوں میں رکھنے کو ترجیح دیں گے اور کیونکہ وہاں سےمنافع زیادہ ملنا شروع ہوجاتا ہے اور کوئی رسک بھی نہیں ہوتااورتمام رسکی مارکیٹس جیسے اسٹاکس اورکرپٹو کرنسیز سے لوگ اپنا پیسہ نکالنا شروع کردیتے ہیں۔پھر شرح سود میں اضافے کی وجہ سے مختلف کمپنیز جو ڈویلپمنٹ اورانویسٹمنٹ کے پلان کررہی ہوتی ہیں وہ متاثر ہوجاتا ہے کیونکہ قرضہ لینے پر زیادہ اخراجات یعنی سود کی ادائیگی کرنی پڑتی ہے اور یہ چیز ان کےبیلنس شیٹس اور اسٹاک کی قیمتوں پر منفی اثر ڈال سکتے ہیں۔ فائنانشل مارکیٹس پرشرح سود کا اثر کسی کاروبار پر شرح سود کیسے اثر انداز ہوتی ہے اس کو ایک مثال سے سمجھتے ہیں ۔فرض کریں کہ آپ کاروبار کر رہے ہیں اوراپنے کاروبارکو بڑھانا چاہتے ہیں جس کیلئے پیسہ آپ قرض لینا چاہتے ہیں تو اگر شرح سود کم ہوگی تو آپ کم شرح سود کے ساتھ قرض لے سکتے ہیں جو آپ پر بھاری نہیں گزرے گا ۔ اس سے آپ کی کاروباری سرگرمی بھی بڑھے گی اور نتیجتاً آپ کی کمپنی کے اسٹاکس کی قیمت بڑھ جائے گی لیکن اگر شرح سود زیادہ ہوئی تو اس صورت میں یہ آپ کیلئے مشکل کھڑی کردیتی ہے اور آپ کیلئے قرضہ لینا ایک دشوار فیصلہ ثابت ہوجاتا ہے اور قرض نہ لینے کی صورت میں کاروبار کو بڑھا نے کا آپ کا خواب پورا نہیں ہوپاتا اور نتیجتاًایک طرف منافع میں کمی تو دوسری طرف اسٹاکس کی قیمتوں میں کمی کا باعث بن سکتی ہے۔ یہی وجہ ہے کہ سرمایہ کار شرح سود میں تبدیلیوں پر قریب سے نظر رکھتے ہیں۔ شرح سود میں اضافہ عام طور پر کاروبار کیلئے ناسازگار حالات کی طرف اشارہ کرتا ہے، جس کی وجہ سے اسٹاکس کی قیمتیں گرنےلگتی ہیں اور ایک بیئر مارکیٹ کا آغاز ہوسکتا ہے۔ اس کے برعکس، جب کوئی حکومت شرح سود کم کرتی ہے تو یہ اقتصادی سرگرمی کو بڑھاوادیتی ہے ، اسٹاکس کی قیمتیں اوپر جانے لگتی ہیں اور یوں بل مارکیٹ کا آغاز ہوسکتا ہے۔ بٹ کوائن اور کرپٹو کرنسیز کے سائیکلزکی نوعیت بٹ کوائن بھی دیگر فائنانشل مارکیٹس کی طر ح ان سائیکلز پیٹرن کو فالو کرتا ہے، اگرچہ روایتی فائنانشل مارکیٹس کے مقابلے میں بٹ کوائن سائیکلز کی تاریخ اتنی لمبی نہیں ہے۔ بٹ کوائن کا سائیکل عموماً چار سال پر محیط ہوتا ہے اور اس میں ایک سال تیز رفتار گروتھ (بل رن)چلتی ہے ایک سال کمی (بیئر مارکیٹ)چلتی ہے اور دو سال ریکوری اور استحکام کے ہوتے ہیں۔ بٹ کوائن کے ہر سائیکل میں سب سے اہم ترین چیز ہر چار سا ل کے بعد ہونے والی “ہاؤنگ” ہے۔ ہرہاؤنگ کے دوران، بٹ کوائن کےنئے بلاکس کی مائننگ کا ریوارڈ آدھا ہو جاتا ہے، جس سے نئے بٹ کوائن کی سپلائی میں کمی واقع ہوجاتی ہے۔ سپلائی کی یہ کمی عموماً بل رن کا سبب بنتی ہے لیکن قیمتوں میں بڑا اور تیزی سے اضافہ عام طور پر ہاؤنگ کے چند مہینے بعد شروع ہوتا ہے۔ لیکن جیسے ذکر ہوا کہ کئی چیزیں مارکیٹ سائیکلز کو متاثر کرتی ہیں ۔ بٹ کوائن کے مارکیٹ سائیکل کے ساتھ بھی ایسا ہوتا ہے جیسے 2022 میں جب روس نے یوکرین پر حملہ کیا، تو بٹ کوائن اور اس جیسے دیگر رسکی ایسٹس کی قیمتوں میں شدید کمی ہوئی جیسےکوئی بئیر مارکیٹ چل رہی ہو ۔ بٹ کوائن اور کرپٹو کرنسیز کے سائیکلز نوعیت کی حقیقی مثالیں 2013 کا سائیکل اور پہلی آل ٹائم ہائی (ATH) 2013 میں، بٹ کوائن اپنے پہلے بڑے بل رن سے گزرا۔ سال کے آغاز میں، بٹ کوائن کی قیمت تقریباً $13 تھی۔ اپریل تک، یہ بڑھ کر $260 سے تجاوز کر گئی۔ یہ بٹ کوائن کی قیمت میں ایک بہت نمایاں اضافہ تھا۔ اس اضافے میں میڈیا کی بڑھتی ہوئی کوریج اور لوگوں کی کرپٹو کرنسیز میں بڑھتی ہوئی دلچسپی نے بہت اہم کردار ادا کیا تھا۔ تاہم، اس تیزی سے اضافے کے بعد، بٹ کوائن کی قیمت میں تیزی سے کمی بھی آئی اور سال کے وسط تک قیمت تقریباً $50 تک گر گئی۔ اس کے بعد مارکیٹ بل رن کے دوسرے مرحلے میں داخل ہوئی اور 2013 کے آخر تک، بٹ کوائن نے ایک نیا آل ٹائم ہائی تقریباً $1,150 تک پہنچا دیا، جس کے بعد ایک بیئر مارکیٹ شروع ہو گئی۔ 2017 کا سائیکل 2017 کا بٹ کوائن سائیکل کرپٹو کی دنیا میں سب سے زیادہ معروف سائیکلز میں سے ایک ہے۔ بٹ کوائن نے سال

کیا آپ جانتے ہیں کہ ایک ٹریڈر ٹریڈنگ کرتے ہوئے سب سے زیادہ کس چیز کو بھولتا ہے؟ جی ہاں وہ ہے ٹریڈنگ میں بریک لینا ۔ ذرا سوچیں کہ اگرایک گاڑی بنا رکے مسلسل دن رات چل رہی ہو تو ایک وقت آئے گا کہ اس میں خرابی کے آثار ظاہر ہونے لگیں گے۔ انجن زیادہ گرم ہو سکتا ہے، ٹائر گھس سکتے ہیں،یہاں تک کہ گاڑی پوری کی پوری خراب ہو سکتی ہے۔ جب ہم مسلسل کسی ایسی حالت یا ماحول میں رہتے ہیں جہاں ہمہ وقت ذہنی دباؤ کا شکار ہو ں جیسے ٹریڈنگ وغیرہ کے دوران اور ہم کوئی وقفہ نہ لیں تو ہمار ی دماغی اور جسمانی صحت پر نہایت برا اثر پڑسکتا ہے۔ ٹریڈنگ کی ٹریڈمل فائنانشل مارکیٹس میں ٹریڈنگ کسی ہائی سٹیکس گیم کی طرح ہوتی ہے ۔ مارکیٹس کو مسلسل مانیٹر کرنا ، فوری فیصلے کرنا اور بڑے بڑے فائنانشل رسکس کو ہینڈل کرنا یہ سب چیزیں ایک ٹریڈر کو بے انتہا ذہنی دباؤ کا شکار کرسکتی ہیں ۔اس کو یوں سمجھیں کہ گویا آپ ایک کبھی نہ رکنے والی ٹریڈ مل پر بھاگ رہے ہوں اور آپ کا اٹھایا گیا ہر قدم ہر فیصلہ کسی بڑے فائدے یا نقصان کا سبب بن سکتا ہے ۔ ایسے موقع پر جبکہ صورتحال غیر یقینی ہو اور اس میں رہتے ہوئے خود کو غلطیوں سے بچا کرنقصان سے بچنا اور منافع میں رہنا یہ سب آپ کی ذہنی صحت پر بہت برا اثر ڈال سکتے ہیں۔ وقت کے ساتھ ساتھ یہ سب ذہنی دباؤ آپ کو انزائٹی اور ڈپریشن میں مبتلا کرسکتا ہے ۔ بریک لینے کی اہمیت جیسے کسی بھی دوسری ہائی اسٹریس جاب میں چھٹی یا بریک لینا ذہنی صحت اور مجموعی طور سے خود تندرست رکھنے کیلئے بہت زیادہ اہمیت رکھتا ہے بلکل ویسی ہی اہمیت اس کی ٹریڈنگ کے دوران بھی ہے۔ ٹریڈنگ میں بریک لینا کوئی تفریح یا عیاشی نہیں بلکہ یہ ایک اہم ضرورت ہے ۔ ذیل میں اس کی چند وجوہات بیان کی جاتی ہیں ۔ ذہنی ریچارج ہمارے دماغ کی تخلیق اوراس کا ڈیزائن چوبیس گھنٹے بنا کسی وقفے کے مسلسل کام کیلئے نہیں ہے ۔ اسے بھی آرام اور پھر ریچارج کیلئے وقت درکار ہوتا ہے ۔ مسلسل ٹریڈنگ کرنا ہماری ذہنی تھکاوٹ کا باعث بن سکتی ہے جس سے ہمارے بہتر سوچنے اور اچھے اور معقول فیصلے لینے کی صلاحیت ماند پڑ جاتی ہے ۔ ایک بریک ہمارے دماغ کو نہ صرف آرام دیتی ہے بلکہ ریکوری اور ریفریش ہونے کا موقع بھی فراہم کرتی ہے۔ دباؤ میں کمی ٹریڈنگ کے دوران مارکیٹ کے مستقل اتار چڑھاؤ سے ذہنی دباؤ میں اضافہ ہو سکتا ہے۔ مستقل ایسے دباؤ میں رہنے سے متعدد مسائل جیسے دل کی بیماریاں، ہائی بلڈ پریشر اور ذہنی صحت کے امراض جیسے ڈپریشن اور انزائٹی ہوسکتے ہیں ۔ بریک کے لئے وقت نکال کر آپ اپنے ذہنی دباؤ کو بھی کم کرسکتے ہیں اور آپ کے دماغ کو واپس ریفریش ہو کر ری سیٹ ہونےمیں مدد ملتی ہے ۔ نقطہ نظر اور غور و فکر ٹریڈنگ سے بریک لینے سے ٹریڈرز کو نئے سرے اپنے اسٹریٹجیز پر غور کرنے کا موقع ملتا ہے ۔اپنے سابقہ تجربات پرغور کرنے اور نئی اسٹریٹجیز میں ان غلطیوں کو دور کرنے کا موقع ملتا ہے۔ یہ سب لا نگ ٹرم میں ایک ٹریڈر کیلئے بہتر فیصلہ سازی میں معاون ہوتا ہے ۔ روزمرہ کی مثالیں کسی بھی گیم کے اتھلیٹس کو دیکھیں ۔ یہ لوگ نہایت سخت ٹریننگ سیشن لیتے ہیں اورٹف شیڈول کو فالو کرتے ہیں مگر ان کی روٹین میں آرام اوربریک کے دن ضرور شامل ہوتے ہیں ۔ وقفے کے یہ دن ان کے پٹھوں کی بحالی اورمجموعی کارکردگی کو بہتر بنانے کے لیے ضروری ہیں۔ اگر یہ کھلاڑی وقفہ نہ کریں تو زیادہ امکان ہوتا ہے کہ یہ چوٹوں اور تھکاوٹ کا شکار ہو جائیں۔ ٹھیک اسی طرح، ٹریڈرز کو بھی کسی “آرام کے دن” کی ضرورت ہوتی ہے تاکہ وہ بہترین کارکردگی دکھا سکیں۔ اس کی ایک اورمثال امتحانات کے ایام میں تیاری کرنے والے طلباء ہیں۔ بغیر بریک لئے مسلسل پڑھائی کرنے سے تھکاوٹ اورکارکردگی میں کمی ہو سکتی ہے۔ تاہم، جو طلباء باقاعدگی سے بریک لیتے ہیں، مناسب نیند لیتے ہیں اور آرام کرتے ہیں، وہ تعلیمی لحاظ سے بہتر کارکردگی کا مظاہرہ کرتے ہیں۔ یہی اصول ٹریڈنگ پر بھی لاگو ہوتا ہے۔ بریک نہ لینے کے نتائج بریک نہ لینے کے سنگین نتائج ہو سکتے ہیں۔طویل عرصے تک مسلسل تناؤ میں رہنا اوربریک نہ لیناڈپریشن کا سبب بن سکتا ہے۔ ڈپریشن صرف طبیعت کے انقباض اور اداسی محسوس کرنے کا نام نہیں ہے بلکہ اس کی وجہ سے آپ کی کی کارکردگی اور صلاحیت بری طرح متاثر ہوسکتی ہے۔ اس سے آپ کی قوت فیصلہ ، فوکس اور مجموعی معیار زندگی کو متاثر کر سکتا ہے۔ ایک دباؤ کا شکار ٹریڈر ٹریڈنگ کے دوران غلط فیصلے لے کر مزید نقصان اور خسارے میں پڑتا جائے گا جو اس کیلئے مزید ذہنی دباؤ اورصحت کے مسائل کا باعث بنتا جائے گا۔ نتیجہ یہ جاننا لازمی ہےکہ ٹریڈنگ میں بریک یا چھٹی کرلینا آپ کی ذہنی اور جسمانی صحت کو برقراررکھنے کے لیے ضروری ہے۔ بغیر بریک کے مسلسل ٹریڈنگ کرنے سے ذہنی تھکان اور تناؤ کی سطح میں اضافہ اور ڈپریشن جیسے سنگین دماغی صحت کے مسائل پیدا ہو سکتے ہیں۔ باقاعدگی سے بریک لینے سے ٹریڈر اپنے دماغ کو ری چارج کر سکتے ہیں، اپنے ذہنی تناؤ کو کم کر سکتے ہیں اوراپنے سابقہ تجربات پرغورکر کے نئے فیصلوں میں بہتری لا کر منافع کما سکتے ہیں ۔ جیسے ایک گاڑی کو بہترین حالت میں رکھنے کے لیے باقاعدگی سے دیکھ بھال کی ضرورت ہوتی ہے، ہمارے دماغ کو بھی بہترین کارکردگی کے لیے باقاعدہ بریک کی ضرورت ہوتی ہے۔ لہذا، اگرآپ ایک ٹریڈر ہیں تو کبھی کبھار ٹریڈنگ کے ٹریڈمل سے اترنا یاد رکھیں — آپ کا دماغ اور صحت آپ کے شکرگزار ہونگے ۔

ٹریڈنگ کی دنیا میں بیچنے اورخریدنے والے مختلف اسٹریٹجیز کو لے کرداخل میں ہوتے ہیں ۔ یہ اسٹریٹجیزمختلف ٹائم فریم اورمارکیٹ کنڈیشنز کے مطابق ترتیب دی گئی ہوتی ہیں ۔ ان میں ڈے ٹریڈنگ، اسکیلپنگ، سوئنگ ٹریڈنگ، شارٹ ٹرم ٹریڈنگ ، مڈ ٹرم ٹریڈنگ اورلانگ ٹرم کے انویسٹمنٹ پلان جیسی اسٹریٹجیز کے نام آتے ہیں ۔ ان اسٹریٹجیز کو سمجھنا اور اپنے پلان کے مطابق ان سے کام لینا ایک ہوشیار ٹریڈر کیلئے حد درجہ مفیدثابت ہوسکتا ہے۔ ڈے ٹریڈنگ: لہروں پر روز کی سرفنگ ڈے ٹریڈنگ کی مثال کو یوں سمجھیں جیسے ہمارے ہاں چھابڑی والے اورسبزی فروش ہوتے ہیں جو سویرے منڈی سے مال خرید کر دن میں ہی اس کو بیچ کر اپنا منافع کھر اکر لیتے ہیں۔ ان کا مقصد چند ہی گھنٹوں میں منافع کمانا ہوتا ہے اوردن کے اختتام پر یہ لوگ اپنے کاروبار کو سمیٹ لیتے ہیں اوراگلے دن نئی ابتدا ہوتی ہے۔ ڈے ٹریڈر ایک ہی ٹریڈنگ ڈے کے اندر اسٹاک یا دیگر فائنانشل آلات خریدتے ہیں اوراسی دن فروخت کرتے ہیں۔ یہ لوگ مارکیٹ پر مسلسل نظر رکھتے ہیں اور مارکیٹ کی مومنٹ سے تیزی کے ساتھ خرید و فروخت کے فیصلوں کے ذریعے فائدہ اٹھانے کی کوشش کرتے ہیں ۔ ان کے یہ تیز فیصلے ایک طرف منافع بخش ثابت ہوسکتے ہیں تو دوسرے طرف ان میں اسی درجے کا بہت زیادہ رسک بھی شامل ہوجاتا ہے ۔یہ لوگ شارٹ ٹرم میں پرائس موومنٹ سے فائدہ اٹھانے کیلئے تیزی سے فیصلے لیتے ہیں اور مارکیٹ پر مسلسل نظر رکھنے پر انحصار کرتے ہیں ۔ یہ طریقہ تیز رفتار ہے اور منافع بخش ہو سکتا ہے، لیکن اس کے ساتھ ساتھ یہ زیادہ خطرات بھی لاتا ہے۔ اسکیلپنگ: مارکیٹ میں مختصر غوطے اسکیلپنگ کو ایسے سمجھیں جیسے بازار میں ڈھابے اورریڑھی والے مختلف اشیاء رکھ کر بیچنے والے ہوتے ہیں ۔ یہ لوگ چھوٹی چھوٹی مختلف اشیاء بیچتے ہیں اور یہ سب سیلز مل کر دن بھر کیلئے ایک اچھے خاصے منافع کی شکل اختیار کر جاتی ہیں ۔ اسکیلپرز ایک دن میں کئی ساری ٹریڈز میں انٹری لیتے ہیں ، اپنی پوزیشنز کو صرف چند سیکنڈ یا منٹ کے لیے ہولڈ کرتے ہیں اور پرائس مومنٹ میں ہونے والی چھوٹی چھوٹی تبدیلیوں سے فائدہ اٹھانے کی کوشش کرتے ہیں ۔ اس تاکہ چھوٹی قیمت کی تبدیلیوں کو پکڑ سکیں۔ اس اسٹریٹجی کے لیے بہت زیادہ فوکس ، توجہ اور فوری عمل درآمد کی ضرورت ہوتی ہے کیونکہ مارکیٹ میں ہونی والی معمولی سی تبدیلی بھی آپ کے منافع کو نقصان میں بدل سکتی ہے۔ سوئنگ ٹریڈنگ: مارکیٹ کے اتار چڑھاؤ کو پکڑنا سوئنگ ٹریڈنگ کو سمجھنے کیلئے ایک کسان کی مثال کو سمجھیں کہ جو ایک فصل کو ایک اگانے کیلئے جب بیج ڈالتا ہے تو کچھ ہفتے یا مہینے تک پھر انتظار کرتا ہے اور اس دوران پیش آنے والی موسم کی عارضی تبدیلیوں کی پرواہ نہیں کرتا بلکہ اس کی نظرپورے سیز ن کی مجموعی صورتحال کے بہتر ہونے پر ہوتی ہے۔ سوئنگ ٹریڈرز مارکیٹ کے ٹرینڈ اور پیٹرنز سے فائدہ اٹھانے کے لیے اپنی پوزیشنیں کئی دنوں سے ہفتوں تک ہولڈرکھتے ہیں ۔ وہ ٹیکنیکل اور فنڈامینٹل انالسز دونوں کو ملا کر چلتے ہیں تاکہ انٹری کے لئے بہترین موقع تلاش کرسکیں ۔ عموما یہ لوگ ڈے ٹریڈرز کے مقابلے میں زیادہ صبر اور انتظار سے کام لیتے ہیں اور انٹری او ر ایگزٹ کے پرفیکٹ اور صحیح موقعوں کی تلاش میں رہتے ہیں۔ شارٹ ٹرم ٹریڈنگ : مارکیٹ کنڈیشنز کو اپنانا شارٹ ٹرم ٹریڈنگ کی مثال ایسے ہے کہ جیسے کوئی موسمی اشیاء خریدے ۔ جیسے دکاندار کپڑے کے سردیوں کے موسم میں گرم لباس اور جوتے مارکیٹ میں لائیں گے کیونکہ ان کو یقین ہوتا ہے کہ اس سیزن میں یہ چیزیں اچھا منافع دیں گی۔ شارٹ ٹرم ٹریڈنگ عموما تین سے چھے ماہ کی مدت پر محیط ہوتی ہے ۔ مگر کبھی کبھار اگر مارکیٹ عارضی طور گرنے یا مسلسل سائیڈ ویز چلنے لگے تو اس کے ہولڈنگ پیریڈمیں اضافہ ہوسکتا ہے ۔ شارٹ ٹرم ٹریڈرز مارکیٹ کی موجودہ کنڈیشنز کی بنیاد پر ٹیکنیکل اورفنڈامینٹل انالسز دونوں کی مدد سے اپنی اسٹریٹجی بناتے ہیں ۔ مڈٹرم ٹریڈنگ : رسک اور ریوارڈ میں بیلنس مڈ ٹرم ٹریڈنگ مارکیٹ میں ایک چھوٹے کاروبار میں اپنا پیسہ انویسٹ کرنے کی طرح ہے، جیسے کہ کریانے یا بیکری کی کوئی نئی دکان کھولنا۔ اس میں آپ چھے ماہ سے ایک سال کا ٹائم فریم اپنے کاروبار کو سنبھلے اور استحکام کیلئے دیتے ہیں جہاں ایک طرف ممکنہ نقصان کے خطرات تو دوسری طرف منافع کے درمیان توازن قائم کرنے کی کوشش کرتے ہیں ۔ مڈٹرم ٹریڈرز مارکیٹ کے اندر بڑی مومنٹ سے فائدہ اٹھانے کا مقصد لے کرانٹر ہوتے ہیں اوریہ لوگ روز روز کی مارکیٹ پر نظراور ذہنی دباؤ سے آزاد ہوتے ہیں ۔ یہ ٹریڈرز انٹری کیلئے وہ وسیع تراقتصادی ٹرینڈز، کسی بھی کمپنی کی پرفارمنس اورانڈسٹری ڈویلپمنٹ کودیکھ کر اپنا پیسہ وہاں انویسٹ کرنے کا فیصلہ کرتے ہیں ۔ لانگ ٹرم انویسٹمنٹ : صبر کا راستہ لانگ ٹرم انویسٹمنٹ کسی پکے پنیز کے سٹال کو چلانے کی طرح ہے ، جہاں آپ پنیر خریدتے ہیں، اسے ایک لمبے عرصے تک پکنے دیتے ہیں اور جب یہ اپنی بہترین حالت کو پہنچتے ہیں تو اسے بیچ دیتے ہیں۔ لانگ ٹرم انویسٹر اپنے ایسٹس کئی سالوں تک ہولڈ رکھتے ہیں اوراپنی انویسٹمنٹ کی اندرونی قدر پر توجہ دیتے ہیں۔ یہ لوگ کسی کمپنی میں انویسٹ کرنے سے پہلے اس کی مینجمنٹ ، مسابقتی فوائد اورمارکیٹ پوٹینشل کو زیر غور لاتے ہیں ۔ یہ لوگ شارٹ ٹرم میں مارکیٹ کے اتار چڑھاؤ کواپنے لانگ ٹرم کے بڑے فائدے کی خاطر برداشت کرتے ہیں ۔ مارکیٹ کنڈیشنز کے مطابق اپنی اسٹریٹجیز کو ایڈجسٹ کرنا جب مارکیٹ سائیڈ ویز چلنے لگتی ہے یا اس میں عارضی طور پر ڈاؤن ٹرینڈ ہوتا ہے تو اس وقت ٹریڈرز اپنی اسٹریٹجیز کو ایڈجسٹ کرتے ہیں ۔ اس کو یوں سمجھیں کہ جیسے ایک پھل فروش پھلوں کے آف سیزن کے دوران تازہ پھلوں کی بجائے ان کے محفوظ شدہ جام بیچنے کا کام شروع کردیتا ہے ۔ اس ایڈجسٹمنٹ کا فائدہ یہ ہوتا ہے کہ شارٹ ٹرم اور مڈٹرم ٹریڈرز اپنی انویسٹمنٹ

اگرہم کسی لانگ ڈرائیوپرنکلنے کا سوچتے ہیں تو اس سے پہلے جس گاڑی میں ہم نے جانا ہے اس کی مکمل طور سے جانچ کریں گے ، گاڑی میں ضرورت کا ایندھن بھریں گے اور جس راستے پر جانا ہے اس کے متعلق معلومات اکھٹی کریں گے ۔یہی دانشمندانہ طریقہ ہوتا ہے کہ ہر طرح کی تیاری کر کے سفر پر نکلا جائے ۔اگر کوئی شخص لاپرواہی کرتے ہوئے بغیر تیاری کے ایسے لمبے سفر پر نکلتا ہے تو یہ ایک احمقانہ فیصلہ شمار ہوگا۔ کرپٹو ٹریڈنگ ایک خوشنما مگر کٹھن راستے کی طرح ہے جہاں سیلف SWOT انالسز کے بغیر داخل ہونا بھی ایسا ہی ہے کہ جیسے کوئی بنا اپنی گاڑی کی جانچ کروائے ،بنا اس فیول ڈلوائے اور راستے کے متعلق معلومات حاصل کئے بغیر لانگ ڈرائیو پر نکل کھڑا ہو۔ ایک سیلف SWOT انالسز میں آپ اپنے مضبوط اور کمزور پوائنٹس کو دیکھتے ہیں اور ملنے والے مواقع اور ممکنہ خطرات کا تجزیہ کرتے ہیں۔ یہ وہ اہم تیاری ہو سکتی ہے جو آپ کو ٹریڈنگ مارکیٹ میں کامیابی کے لیے تیار کرتی ہے۔تو آیئے جانتے ہیں کہ سیلف SWOT انالسز ہےکیا ہے اور یہ کرپٹو ٹریڈرز لئے کس درجے کی اہمیت رکھتی ہے ؟ سیلف SWOT انالسز کیا ہے؟ SWOT انالسز ایک اسٹریٹجک پلاننگ کا ٹول ہے جو آپ کے پلاننگ پر اثر انداز ہونے والے داخلی اورخارجی عوامل کی نشاندہی اورتشخیص کے لیے استعمال ہوتا ہے۔ اس میں درج ذیل چیزوں کا تجزیہ کیا جاتا ہے: Strengths (طاقتیں) آپ کس چیز میں مہارت رکھتے ہیں؟ آپ کے پاس کون سے وسائل موجود ہیں؟ Weaknesses (کمزوریاں) کن جگہوں پر بہتری کی ضرورت ہے؟ آپ کے اندر کون سی مہارت یا معلومات میں کمی ہے؟ Opportunities (مواقع) کون سے خارجی عوامل ہیں جن سے آپ فائدہ اٹھا کر کامیابی حاصل کر سکتے ہیں؟ Threats (خطرات) کون سے خارجی چیلنجز ہیں جو آپ کی ترقی میں رکاوٹ بن سکتے ہیں؟ اپنے بارے میں ان سب پوائنٹس کا مکمل تجزیہ کرکے آپ ایک ایسی اسٹریٹجی تیار کر سکتے ہیں جہاں آپ اپنی مہارت والی چیزوں میں اپنی طاقت سے فائدہ اٹھا سکیں، اپنے اندر موجود کمزور پہلوؤں پر نظر رکھ کر ان کو دور کرنے کی کوشش کریں اورراہ میں پیش آنے والے خطرات سے نپٹیں اور ملنے والے مواقع کو لے سکیں ۔ ذیل میں ایک ایک پر تفصیلی بات کرتے ہیں اور مثالوں سے سمجھتے ہیں ۔ Strengths پلاننگ کی عمارت کیلئے مضبوط بنیاد: فرض کرلیں کہ نوید ایک ڈیٹیل اورینٹڈ فائنانشل انالسٹ ہے جو مارکیٹ ٹرینڈز کو پہنچاننے میں مہارت رکھتا ہے۔ اس کا مطلب یہ ہوگا کہ مارکیٹ انالسزاوراس کی باریکیوں پردھیان دینا اس کے سٹرانگ پوائنٹس ہیں ۔ اب اگرنوید ٹریڈنگ کی دنیا میں آنا چاہتا ہے تو وہ اپنے انہی سٹرانگ پوائنٹس کا فائدہ اٹھائے گا ،ڈیٹا پر مبنی اسٹریٹجی اورمحتاط ریسرچ پر فوکس کرے گا جس سے وہ ٹریڈنگ کے دوران بہتر فیصلے لے سکے گا بلکہ اپنے پورٹ فولیو کو منافع بخش بنا سکے گا۔ اگر آپ یہ جاننا چاہتے ہیں کہ میرے سٹرانگ پوائنٹس کون سے ہیں توبیٹھ کر خود سے یہ سوالات پوچھ لیجئے ! کون سی اسکلز ہیں جن میں میں مہارت رکھتا ہوں؟ کون سی منفر د قسم کی معلومات یا تجربات ہیں میرے پاس ؟ کیسے میں اپنے ان سٹرانگ پوائنٹس کو بروئے کار لاتے ہوئے منافع بخش ٹریڈنگ کرسکتا ہوں؟ Weaknesses تسلیم کرنا اور بہتر بنانا: فرض کریں کہ جان ایک پرجوش قسم کا ٹریڈر ہے مگر اپنے ایموشنز کو قابو میں رکھنے میں اسے مشکل پیش آرہی ہوتی ہے اور اسی وجہ سے ہر بارجلدبازی میں ایسے قدم اٹھا لیتا ہے جو ٹریڈنگ میں غلط انٹریز کی وجہ اس کیلئے بھاری نقصانات کا باعث بن رہے ہوتے ہیں ۔اب جان اگر ٹریڈنگ کے میدان میں منافع کمانا چاہتا ہے تواس کو سب سے پہلے بیٹھ کر اپنی اس کمزوری کو تسلیم کر لینی ہوگی اور پھر اس کے لئے پلان بنانا ہوگا کہ اسے اپنے جذبات کو اصولوں کے تابع کرنا ہوگا۔اس کیلئے اسے خودکار ٹریڈنگ سسٹمز کا استعمال شروع کرنا ہوگا اور اپنے فیصلوں پر جذبات کے اثرات کو کم کرنے کے لیے سخت ٹریڈنگ کے اصول وضع کرنے ہونگے۔ تبھی وہ اس میدان میں کامیابی کے جھنڈے گاڑ سکے گا۔ اگر آپ یہ جاننا چاہتے ہیں کہ میری کمزوریاں کیا کیاہیں توبیٹھ کر خود سے یہ سوالات پوچھ لیجئے ! مجھے کن اسکلز کو بہتر کرنے کی ضرورت ہے؟ میری کمزوریاں میرے ٹریڈنگ کےفیصلوں پر کیسے اثر ڈالتی ہیں؟ ان کمزوریوں کو دور کرنے کے لیے میں کون سے اقدامات کر سکتا ہوں؟ Opportunities موقع سے فائدہ اٹھانا: فرض کریں کہ سارہ ایک متجسس لڑکی ہے جو ہر دم نئی نئی ٹیکنالوجیز کو کھوجتی اور ان کو اپنانے کی کوشش کرتی رہتی ہے ۔یہ وہ زمانہ ہے جب کرپٹو کرنسیز اور بلاک چین فائنانشل مارکیٹ کے افق سے ابھی طلوع ہونے کو تھے ۔ اپنے تجسس سے مجبور ہو کرسارہ اس نئی ٹیکنالوجی کی کھوج میں پڑگئی اور اس کو اپنے لئے سنہری موقعے کے طور پر لیا۔ سارہ کے اسی تجسس اور کھوج نے اس کو یہ موقع دیا کہ وہ بروقت کرپٹو مارکیٹ میں داخل ہوجائے اور اس سے خاطر خواہ فائدہ اٹھائے ۔ تو یہاں سارہ نے نئی اور ابھرتے ہوئے ٹرینڈز کو بارے میں بروقت خود کو باخبر رکھ کر اس کے بارےمیں سیکھا اور اپنی معلومات کو اپنے فائدے کیلئے کام میں لائی ۔ اپنے مواقع سے بروقت فائدہ اٹھانےکیلئے ذیل کی ان باتوں پر توجہ دیں : کون سے مارکیٹ ٹرینڈز ہیں جن سے میں فائدہ اٹھا سکتا ہوں؟ نئے ابھرتے ہوئے مواقع کے بارے میں میں بروقت خود کو کیسے باخبر رکھ سکتا ہوں ؟ کون سے ریسورسز یا نیٹ ورکس میری مدد کر سکتے ہیں تاکہ میں ان مواقعوں سے فائدہ اٹھا سکوں؟ Threats چیلنجز کا سامنا : فرض کریں کہ مائیکل نامی ایک شخص اپنی سیونگز کو لے کر کرپٹو مارکیٹ میں داخل ہوئے اور اس نے یہ جاننے کی کوشش نہیں کی کہ کون سی وہ ریگولیٹری تبدیلیاں ہیں جو ان کی انویسٹمنٹ پر برا اثر ڈال سکتی ہیں ۔ اب جوں ہی انہوں نے کسی جگہ اپنا پیسہ انویسٹ