اے آئی کوائنز کا انضمام اے آئی یا آرٹیفیشل انٹیلیجنس تیزی سے سائنس فکشن کی ایک خیالی اورتصوراتی دنیا سے نکل کر اب سے مختلف انڈسٹریز میں انقلابی تبدیلیاں برپا کرنے والی قوت بن چکا ہے ۔ اے آئی دراصل مشینوں کی اس صلاحیت کا نام ہے جہاں وہ انسانی ذہانت کی نقل کر سکتے ہیں ، جیسے کہ سیکھنا،کسی مسئلے کو حل کرنا اور فیصلہ سازی کی قوت کو بروئے کار لانا۔ اے آئی کی ایپلی کیشنز میں ورچوئل اسسٹنٹس جیسے کہ Siri اور Alexa سے لے کر پیچیدہ سسٹمز شامل ہیں جو لاجسٹکس، فنانس اور ہیلتھ کیئر کو چلاتے ہیں۔ اے آئی کا ارتقاء اے آئی کا سفر 20ویں صدی کے وسط میں شروع ہوا جس کے اولین بانیوں میں ایلن ٹیورنگ شامل تھے ۔ انہوں نے یہ سوال اٹھایا تھا کہ کیا مشینیں بھی سوچ سکتی ہیں۔ ابتدائی اےآئی ریسرچ میں زیادہ فوکس علامتی استدلال(سیمبولک ریزننگ) اور پرابلم سولونگ پر تھا۔ 1980 کی دہائی میں مشین لرننگ کا عروج ہوا، جہاں کمپیوٹرز کو باقاعدہ پروگرام کرنے بجائے انہیں ڈیٹا دیا جانے لگا جس سے وہ خود ہی سیکھنے لگے ۔۔ 2010 کی دہائی میں بڑے ڈیٹا اور طاقتور کمپیوٹنگ کی بدولت ڈیپ لرننگ کی آمد ہوئی جو بہت بڑی اوراہم پیش رفت تھی اور اس سے اے آئی کو زیادہ مؤثر اور زیادہ لوگوں کیلئے قابل رسائی بنتا گیا۔ اہم اے آئی پراجیکٹس اور ان کی سروسز موجودہ دورمیں کئی اہم اے آئی پراجیکٹس بہت نمایاں ہیں: IBM Watson: یہ نہایت طاقتورمصنوعی ذہانت کا نظام ہے جو IBM نے تیار کیا ہے۔ یہ 2011 میں ٹیلی ویژن کوئز شو “Jeopardy!” میں اپنی فتح کی وجہ سے مشہور ہوا، جہاں اس نے نہایت پیچیدہ سوالات کے جوابات دے کر شو کو جیت لیا تھا ۔ Watson کو صحت کے شعبے میں بیماریوں کی تشخیص، طبی ریکارڈز کا تجزیہ کرنے اورعلاج کی سفارشات فراہم کرنے کے لیے استعمال کیا جاتا ہے۔ یہ ڈاکٹروں کی مدد کرتا ہے تاکہ وہ بڑی مقدار میں طبی ڈیٹا کو پراسیس کرکے زیادہ درست تشخیص اور شخصی علاج کے منصوبے پیش کر سکیں۔اسی طرح اس کو کسٹمر سروس انکوائریز کو ہینڈل کرنے کیلئے بھی استعمال کیا جاتا ہے تاکہ آ ٹومیٹک رسپانس کے علاوہ چیٹ بوٹس اور ورچوئل اسسٹنٹس کے ذریعے معاونت فراہم کی جا سکے۔ Google دیپ Mind: ایک مشہور مصنوعی ذہانت کی کمپنی ہے جو AlphaGo کی تخلیق کے لیے مشہور ہے، جس نے دنیا کے بہترین Go پلئیر کو شکست دی۔ DeepMind کی خاص توجہ ری انفورسمنٹ لرننگ پر ہے، جو ایسی تکنیک ہے جس کے ذریعے مشینیں اپنے تجربات سے سیکھ کر بہتر ہوتی جاتی ہیں۔یہ سسٹمز کو توانائی کی کارکردگی بڑھانے کے لیے استعمال کیا جاتا ہے، خاص طور پر بڑے پیمانے پر ڈیٹا کا تجزیہ کرکے توانائی کے استعمال میں بہتری لانے کے لیے استعمال ہوتا ہے ۔ اس کے علاوہ کو صحت کے شعبے میں بھی استعمال کیا جاتا ہے، جہاں وہ بیماریوں کی تشخیص، علاج کی تجاویز اور دیگر طبی معاونت فراہم کرتا ہے ۔ OpenAI: ایک مصنوعی ذہانت کی کمپنی ہے جس نے GPT 4 جیسے طاقتور لینگویج پروسیسنگ ماڈل تیار کیے ہیں۔ GPT 4 زبان کو سمجھنے اور نیا مواد تخلیق کرنے کی غیر معمولی صلاحیت رکھتا ہے، جو اسے مختلف شعبوں میں استعمال کے قابل بناتا ہے۔اس کے ماڈلز کو چیٹ بوٹس میں استعمال کیا جاتا ہے جو صارفین کے سوالات کا جواب دینے اور ان کے ساتھ بات چیت کرنے کی صلاحیت رکھتے ہیں۔اس کو تخلیقی تحریر میں معاونت کے لیے بھی استعمال کیا جاتا ہے، جیسے کہ کہانیاں لکھنے، مضامین تخلیق کرنے اور مختلف ادبی کاموں میں مدد فراہم کرنے کیلئے استعمال ہوتا ہے ۔ کرپٹو اور Web 3 میں اے آئی اے آئی کے بلاک چین ٹیکنالوجی کے ساتھ انضمام، جسے عام طور پر کرپٹو میں اے آئی یا Web 3 کہا جاتا ہے، قوت فیصلہ رکھنے والی مصنوعی ذہانت کو ڈی سنٹرلائزڈ نیٹ ورکس کے ساتھ جوڑتا ہے۔ ان کا یہ امتزاج شفافیت، سیکیورٹی اور کارکردگی کو کئی گنا بڑھا دیتا ہے۔ Web 3 میں، اے آئی ڈی سنٹرلائزڈ فنانس (DeFi) پروٹوکولز کو خودکار اور بہتر بنا سکتا ہے، اسمارٹ کنٹریکٹس کو بڑھا سکتا ہے اور سپلائی چینز کو زیادہ مؤثر طریقے سے منظم کر سکتا ہے۔ کرپٹو میں اے آئی کا مستقبل مستقبل میں کرپٹو میں اے آئی کا کردار مزید بڑھنے والا ہے کیونکہ یہ بلاک چین نیٹ ورکس میں ایڈوانسڈ اینالٹکس اور آٹومیشن لے کر آ سکتا ہے۔ اے آئی کے انضمام سے، بلاک چین پلیٹ فارمز مختلف معاملات میں مسائل کا زیادہ مضبوط حل پیش کر سکتے ہیں جیسے کہ فراڈ اور دھوکہ دہی کی پہچان کرنا ، ایسی اینالٹکس جو مارکیٹ موومنٹ کی پیشن گوئی کرسکے اور خودکار فیصلہ سازی کی صلاحیت ہونا ۔ اے آئی اور کرپٹو کا یہ ملاپ فائنانس سے لے کر لاجسٹکس تک ہر شعبے میں جدت لاسکتا ہے ۔ FET, OCEAN, AGIX اور ASI ٹوکنز کا جائزہ Fetch.ai (FET) Fetch.ai بلاک چین کو اے آئی کے ساتھ جوڑتا ہے تاکہ ایک ڈی سنٹرلائزڈ ڈیجیٹل اکانومی تخلیق کی جا سکے۔ یہ خودکار ایجنٹس کا استعمال کرتا ہے جو انسانی مداخلت کے بغیر ڈیٹا شیئرنگ، پروسیس آپٹیمائزیشن اور ٹرانزیکشن کی انجام دہی جیسے کام سرانجام دیتے ہیں۔ یہ ایجنٹس خاص طور پر لاجسٹکس، سمارٹ شہروں اور انرجی مینجمنٹ میں مفید ثابت ہوتے ہیں۔ ایک ایسے شہر کاتصور کریں جہاں ٹریفک لائٹس ٹریفک کی کنڈیشنز کو دیکھ کر ریئل ٹائم میں خود بخود ایڈجسٹ ہو سکتی ہوں ، جہاں ایمرجنسی گاڑیاں جیسے ایمبولنس یا فائر بریگیڈ کیلئے خود کار طور پر گرین لائٹس کھل جاتی ہوں اور الیکٹرک کاریں خود بخود قریبی چارجنگ اسٹیشن کا پتہ لگا سکتی ہوں ۔ Fetch.ai کے ایجنٹس یہ تمام کام خود مختاری سے انجام دے سکتے ہیں، جس سے کارکردگی میں بہتری کے ساتھ ساتھ انسانی غلطیوں کو کم کیا جا سکتا ہے۔ Ocean Protocol (OCEAN) Ocean Protocol ایک ڈی سنٹرلائزڈ ڈیٹا ایکسچینج بناتا ہے تاکہ اے آئی کیلئے ڈیٹا دستیاب ہوسکے ۔ یہ ڈیٹا پرووائیڈرز کو اپنے ڈیٹا کو مونیٹائز کرنے کی اجازت دیتا ہے جبکہ پرائیویسی اور کنٹرول کو یقینی بناتا ہے۔ Ocean ٹوکن ڈیٹا کی خرید و فروخت، ڈیٹا شیئرنگ کے لیے